(semus in domo de tziu Pirrone)
Mussi - (a s’iscusiu) O Chica, ajó, ca provamus a bèndere su pappapuddu a Tziu Pirrone…
Chica - (a s’iscusiu) Ah! Su pappagallu!
Chica - A bi sezis?
Piricu - Su mere est dormiu. Ite cheries?
Mussi - A lu diat comporare tziu Pirrone custu puzone?
Piricu - Ite bellu puzone! Ma… Tziu Pirrone est gai astrintu chi dinare no nde bocat dae butzacca.
Pappagallu - Butzacca … butzacca…
Piricu - E faveddat puru! Ma podimus arranzare sa cosa in carchi modu. Ascurta, Mussi! (li faveddat in s’uricra) Bisi bisi bisi…
Mussi - Eja, eja! Semus de accordu! Su puzone est su tuo!
Chica - E dinare?
Pappagallu - Dinare…dinare…
Mussi - S’accordu est un’àtteru: su puzone at a èssere de Piricu, chi lu diat a su mere a s’ispassiare, gai Piricu si podet pasare un’azicu.
Chica - E nois?
Mussi - In càmbiu Piricu nos lassat intrare a magasinu, e nois podimus manicare cantu cherimus…
Chica - Abberu!
Mussi - Gai deo poto pappare cussu pische bonu colliu in sa murja…
Chica - E deo granos de trídicu…
Mussi - E pressuttu…
Chica - E basolu pittudu…
Mussi - E sartiza…