(Mimiu e Lillia s’addóbian torra in sa pratta)
Mimiu - E commo pessamus a sa paca de li dare a Pirrone…
Lillia - Ascurta: cando Tziu Pirrone est dormiu e Piricu non b’est, intramus a furinu e li ponimus un’ampulla de binu in domo…
Mimiu - Un’ampulla de binu?!
Lillia - Binu chin sale...
Mimiu - Eja! Ite ispàssiu!
Lillia - Andamus, Mimi’! (essin e andan a pònnere s’ampulla)
(semus in domo de tziu Pirrone)
Pirrone - Ah! Una bella buffada bi cheret abberu! (bibet a bruncu) Puh! (gruspit) Piricu! Piricu!
Piricu - (intrat) Ite b’at, su me’?
Pirrone - Su binu… ohi! Ite tastu! (cumintzat a tussire…) Assàzalu tue!
Piricu - (bibet unu ticcu e gruspit) Ma custu est benenu! A lu muto su duttore?
Pirrone - Nono, cussu si cheret pacau! (sichit a tussire)
Piricu - E tando?
Pirrone - Azúdami tue! (semper tussinde)
(Piricu azudat a Pirrone dàndeli corfos in palas peri fortes, antzis nde approfittat pro l’iscúdere)
Pirrone - (semper tussinde) Ohi! Abbellu, Piri’! Abbellu!
(essin chin Piricu chi sichit a dare corfos a Pirrone)