(Lillia e Mimiu s’addóbian in sa pratta)
Lillia - O Mimi’, a l’ischis de s’accasazu de Tzitzerona a jaja mea?
Mimiu - Cale accasazu?
Lillia - L’at nau de si contare sos preducos! E a l’ischis ite l’at nau Pirrone a jaju?
Mimiu - E ite?
Lillia - L’at nau de andare innorommala!
Mimiu - Iterrore! Cussos duos sun maccos…, e malinnos puru!
Lillia - La depen pacare… ambos duos!
Mimiu - Mussi, chírcami unu sóriche pro cussa tzia…!
(essin ambos a chircare a Mussi)
(Tzitzerona in domo sua, bene posta, est cantande indainnantis de s’ispricu)
Tzitzerona - Commo chi so bene chinta mi nch’esso… (cantat cuntenta)
(dae fora Mimiu, chin d-unu filu ‘e ferru, li ponet unu sóriche sutta su nasu)
Tzitzerona - Oddeu! It’est custa cosa? Chichina! Azutorju!
Chichina - (intrat) E… e… e it’est, sa me’?
Tzitzerona - Unu sóriche mi fit mossende su nasu!
Chichina - (l’annotat su nasu) Ma, in bisione bos l’azes bidu?
Tzitzerona - Nono! Est fughiu! Chírcalu! Pica s’iscopa… ucchídelu! Ucchídelu!
(Mimiu li ponet torra su sóriche sutta su nasu)
Tzitzerona - Azutorju! (rughet a terra dirmajada)
Chichina - Dirmajada! Oddeu dirmajada! Ah! Cussas allughinaduras! Ja lu credo… abbardente a manzanu… abbardente a sero!
(Chichina trazat affora sa mere)
Mimiu, Lillia, Mussi (intran e si la riden) Aha… aha…aha…