(semus in sa pratta de sa bidda)
Tziu Predu - Salude!
Pirrone - Ah! Bois sezis su bichinu meu?
Tziu Predu - Sisse, so Predu Mulas. E bois, Tziu Pirrone sezis, beru? Piachere de bos connòschere!
Pirrone - Piachere unu corru!
Tziu Predu - E proite?
Pirrone - E non bos àrtziet a conca de bènnere a domo mea a buffare binu a iscroccu!
Tziu Predu - Ma…ite sezis nande?
Pirrone - E si credies chi su magasinu meu est locu ‘e rebbottas bos irballaes!
Tziu Predu - (a s’iscúsiu) Ma…, dae ub’est bénniu custu?
Pirrone - Baze innorommala! (essit)
Tziu Predu - Robba ‘e maccos!
(arribbat tzia Manzela)
Tzia Manzela - 0 Pre’, aite ses nechidau?
Tziu Predu - Eh! Appo addobiau su bichinu nobu…
Tzia Manzela - Cumbidau l’as?
Tziu Predu - Ma cale cúmbidu! Innorommala m’at mandau!
Tzia Manzela - Ma… cussu est maccu, maccu malinnu!
Tziu Predu - Custos bichinos sun unu pejus de s’atteru!
Tzia Manzela - Isperamus chi si nch’anden!