(semus in sa domo de tzia Manzela)
Tzia Manzela - Oh Pré, deo ando a ube Tzia Tzitzerona, sa bichina noba,
a li nàrrere “bene bénnia”.
Tziu Predu - Bae, bae, Manze’!
(Tzia Manzela, chin sa saffatta de pistoccos in manos, toccheddat a
sa janna de tzia Zitzerona)
Tzia Manzela - A bi sezis?
Tzitzerona - (iscampiandesi) Chie est?
Tzia Manzela - So sa bichina bostra, Manzela Mulas…
Tzitzerona - E chie bos at mutiu?
Tzia Manzela - Custa est s’usàntzia in locu nostru. Bene bénnia in custu bichinau! E sos pistoccos sun pro bois.
Tzitzerona - (fúlliat sos pistoccos a terra) Non so in chirca de sos pistoccos bostros!
Tzia Manzela - Ma…
Tzitzerona - Si sezis irfainada, contàebos sos preducos!
Tzia Manzela - Ma…
Tzitzerona - Bazeboche! E non bi torrezes prus a mi secare sas ancas!
(li tancat sa janna in murros)
Tzia Manzela - Sarbamentu!
(arribbat Tziu Predu)
Tzia Manzela - O Pre’, ajó a domo a mi dare unu ticcu ‘e rosóliu…mi so dirmajande…
Tziu Predu - E it’est, Manze’?
Tzia Manzela - Cussa fémina est macca!
Tziu Predu - E aite?
Tzia Manzela - Sos pistoccos mi nch’at imbolau!
Tziu Predu - Iterrore! Bella bichina nos est capitada!
Tzia Manzela - Preducosa puru m’at nau!
Tziu Predu - Impipatinde, Manze’! Tue ses una sennora!