(un’àtteru trenu intrat in s’istassione)
Chica - (a su pappagallu) Tue un astore pintau ses o unu pappagallu?
Pappagallu - Pappagallu…. pappagallu….
Mussi - Pappagallu! Pappapuddu cheret nàrrere! E it’est, sos puddichinos ti piachen a pappare?
Pappagallu - Pappare … pappare …
Mussi - Oh! Mi paret chi tue ses famiu.
Pappagallu - Famiu… famiu…
Chica - Ite ti naras: Cuccurú o Babagha?
Pappagallu - Babagha… Babagha…
Chica - (a s’iscúsiu) Arabu est! Piachere de ti connòschere, piachere!
Pappagallu - Piachere… piachere….
Mussi - (a s’iscúsiu) Bene educau est custu puzone!
Chica - Chin d-una cumpanza ses o solu?
Pappagallu - Solu…solu…
Chica - Mischineddu! Tando beni chin nois.
Pappagallu - Chin nois… chin nois…
Mussi - Oh, su sardu non l’ischis faveddare bene, chin bois
depes narrere, chin bois!
Pappagallu - Chin bois… chin bois…
(su trenu si moghet; est s’urtimu)