Mimiu - Ello, Lilli’! E cussa cosa in conca?
Lillia - Est su bonette de capu-istassione!
Mimiu - E sa palitta? E su fruschieddu?
Lillia - Pro fàchere partire su trenu!
Mimiu - Ohi… barrosa!
(cantande) - “Duru duru est sa cantone
pro Lillia capu-istassione
ja la juchet sa palitta
sonat peri su fruschieddu
duru duru duruseddu…”
Lillia - Ma… gana de brullare as?
Mimiu - E tue, ite ses fachende inoche?
Lillia - Deo cherjo andare a mare, a carchi locu ube b’at jocos.
Mimiu - A sa sola cheres biazare?
Lillia - Nono! Chica benit chin mecus. E tue, a bi benis?
Mimiu - Cante cante bi benzo deo puru!
Lillia - E Luchia puru tando. Commo est mannitta!
Mimiu - In su trenu amus a accattare àtteros pitzinnos…
Lillia - E turistas puru!
Mimiu - Tando, a cando sa parténtzia?
Lillia - Cras manzanu a sas deche.
Mimiu - Dae, andamus a mutire sos àtteros…
(cantande) - “Duru duru duruseddu
sona sona su fruschieddu…” (ter)
(Lillia frúschiat)