Su cucu - Una die su mariani at abbojadu sa tzicogna e l'at giamada a domo sua
pro li cumbidare a chenare.
Mariani - Ello, Tzia Tzicogna, a ue sezis andende?
Tzicogna - A ispassizare, e bois?
Mariani - Eo so andende a domo. Si benides chin megus bos cśmbido a chenare.
Tzicogna - Chin piaghere!
Su cucu - Su mariani at postu in banca duos piatos chin una minestredda de brou.
Mariani - Bona custa minestredda! A bos piaghet?
Tzicogna - Eh! Devet čssere bona...
Mariani - Mi cuntento meda chi bos est piąghida!
Su cucu - Sa tzicogna, chi no aiat pótidu sutzare nudda chin su bicu dae su piatu,
bi la cheriat fąghere pagare a su mariani e l'at giamadu a domo sua,
ponzende su mąnigu in vasos altos e istrintos.
Tzicogna - Tziu Mariani, oje bos cśmbido eo su bustare in domo mia.
Mariani - Chin piaghere!
Tzicogna - Bona custa peta chin fumuderra a casciola! A bos piaghet?
Mariani - (linghende su vasu oru-oru) Eh! gią lu bido chi bos piaghet...
Su cucu - Su mariani b'est abbarradu male; non si l'isetaiat una błglia gai dae sa tzicogna.
S'incrąs, cando si sunt abbojados, custa lu cheriat torrare a cumbidare...
Tzicogna - Ello, Tziu Mariani, a bi torrades cras a domo mia, ca bos cśmbido s'irmurzu?
Mariani - (arrennegadu) Nono! gią mi bastat su cśmbidu de eris!
Tzicogna - Ite ląstima! gią bos la perdides sa cosa bona... adiosu!
Su cucu - Su mariani fit arrennegadu abberu: cussu puzonatzu lu cheriat coglionare un'ątera borta!
Ite birgonza pro unu mariani abbistu che a isse! Custu contu nos faghet cumprčndere una cosa:
chie male faghet, male si devet isetare. E custu est finas unu dģciu sardu antigu.