Su cucu - Sa chígula aiat cantadu totu s'istiu, mentres sas frommijas aiant coladu su tempus
carrende ranos de trigu a sa cala, pessende a s'ijerru.
Frommija - Carrade su trigu, cumpanzas... carrade...
Chígula - Tziri-tziri... ma abbaidadilas cussas macas! Sempre carrende cosa!
Frommija - Carrade a sa cala...a sa cala...
Chígula - Cussas frommijas no ischint mancu cantare! Tziri-tziri... tziri-tziri...
Su cucu - Sas frommijas sighiant a carrare trigu e fenu a sa cala.
Frommija - A trabagliare siat! Fortza!
Chígula - E deo mi la canto... tziri-tziri...tziri-tziri...
Frommija - Sighide a carrare... pessade a s'ijerru!
Chígula - Cussas mancu si la godint sa vida! Tziri-tziri...tziri-tziri...
Su cucu - Ma arrivat s'ijerru e sa chígula, chi no at coglidu nudda in s'istiu, como est famida
e andat a ue sa frommija a limusinare.
Chígula - Tzia frommija, a mi los dades pagos ranos de trigu, ca so famida?
Frommija - E tue, ite as fatu in istiu?
Chígula - Eo apo cantau note e die, ca apo una bella boghe!
Frommija - E sighi a cantare tando!
Su cucu - Sa chígula, mesu morta de fŕmine, promitit de torrare su recatu chin s'interessu,
ma sa frommija...
Chígula - Dademila carchi cosa, a su mancu unu cantu de fenu...
Frommija - Si tue ti ses ispassiada cantende, como balladila s'anchedda!
Chígula - E faghídela sa caridade! Giŕ bos apo a torrare sa cosa chin s'interessu...
Frommija - E cando? Peus pro a tie si no as nudda. Baediche!
Su cucu - Gai sa chígula est morta abberu de fŕmine. E deo naro a sos mandrones
chi est menzus a trabagliare si non cherent finire che sa chígula.