Contos de su bentu - 2
Unu contu de su Marocco: Sa moninca e su camaleonte
Una die una moninca, rujende in unu campu, abbojat unu camaleonte:
-A ue ses andende?- li dimandat.
-A giru.- rispondet isse.
-Tando nos podimus fàghere cumpanzia- narat issa.
Su camaleonte, chi mudat colore segundu ue s'agatat, finas a como fit de su colore de sa terra, ma a costazu de sa moninca si faghet nieddu.
Andende andende, arrivant a una pramma arta chin bellos frutos de coco; sa moninca s'aràmpicat lestra a sa pramma e si nde pigat unu.
-No est cosa tua!- abbóigat su camaleonte -làssalu!
Ma issa, ingurtosa, si bufat totu su licore de su coco e che betat sa corza subra sa conca de su camaleonte.
Arrivat su mere de sa pramma: -Chie est cussu chi at furadu su coco?
-abbóigat annicadu.
-L'at leadu isse- narat sa moninca - ca fit sididu.
-No est beru!- murrunzat su camaleonte- ses istada tue!
Sa moninca, maligna, proponet a su mere una proa de giustíscia:
-Abbaidade comente caminamus eo e isse, gai averiguades chie s'est imbriagadu chin su licore de su coco.
-E andat bene!- narat su mere- istamus a bídere!
Sa moninca si ponet a cúrrere lestra a brincos, mentres su camaleonte andat a tontones, comente a sempre.
-Ses istadu tue! Già ti si bidet chi ses imbriagu! - senténtziat su mere.
Nende gai, l'aporrit una surra che fizu de mala sorte.
Sos duos sighint impare su caminu. Ma cando arrivant a unu campu de fenu, su camaleonte si frimmat: -eo apo fritu!- narat- allugo su fogu. gai mi caento un'azigu.
-Tue non lu podes fàghere- abbòigat sa moninca ispramada- est perigulosu!
Ma isse la lassat cantare e ponet fogu a su fenu.
Arrivant currende sos massajos:- Chie est chi at postu fogu?
-Est istadu isse!- narat sa moninca.
-Nono! Est istada issa!- narat s'àteru- faghide una proa de giustíscia: abbaidade sas piantas de sos pees nostros-. Nende gai su camaleonte acúrtziat a furinu sos pees a unu muntoneddu de rena alva e mustrat sas piantas: sunt alvas!
-Como tocat a tie! -narant sos massajos a sa moninca.
Cussa mustrat sas piantas suas: sunt nieddas che pighe!
-Ah! Tando ses istada tue, maleita!- senténtziant sos massajos. E li dant una cadda a fuste, lassàndela totu pista e topa puru.
Ma, pitzinnos, vendichendesi goi, su camaleonte, podiat fàghere dannu mannu a totu su campu e a sa zente puru! Ite nde pessades bois?
-A ue ses andende?- li dimandat.
-A giru.- rispondet isse.
-Tando nos podimus fàghere cumpanzia- narat issa.
Su camaleonte, chi mudat colore segundu ue s'agatat, finas a como fit de su colore de sa terra, ma a costazu de sa moninca si faghet nieddu.
Andende andende, arrivant a una pramma arta chin bellos frutos de coco; sa moninca s'aràmpicat lestra a sa pramma e si nde pigat unu.
-No est cosa tua!- abbóigat su camaleonte -làssalu!
Ma issa, ingurtosa, si bufat totu su licore de su coco e che betat sa corza subra sa conca de su camaleonte.
Arrivat su mere de sa pramma: -Chie est cussu chi at furadu su coco?
-abbóigat annicadu.
-L'at leadu isse- narat sa moninca - ca fit sididu.
-No est beru!- murrunzat su camaleonte- ses istada tue!
Sa moninca, maligna, proponet a su mere una proa de giustíscia:
-Abbaidade comente caminamus eo e isse, gai averiguades chie s'est imbriagadu chin su licore de su coco.
-E andat bene!- narat su mere- istamus a bídere!
Sa moninca si ponet a cúrrere lestra a brincos, mentres su camaleonte andat a tontones, comente a sempre.
-Ses istadu tue! Già ti si bidet chi ses imbriagu! - senténtziat su mere.
Nende gai, l'aporrit una surra che fizu de mala sorte.
Sos duos sighint impare su caminu. Ma cando arrivant a unu campu de fenu, su camaleonte si frimmat: -eo apo fritu!- narat- allugo su fogu. gai mi caento un'azigu.
-Tue non lu podes fàghere- abbòigat sa moninca ispramada- est perigulosu!
Ma isse la lassat cantare e ponet fogu a su fenu.
Arrivant currende sos massajos:- Chie est chi at postu fogu?
-Est istadu isse!- narat sa moninca.
-Nono! Est istada issa!- narat s'àteru- faghide una proa de giustíscia: abbaidade sas piantas de sos pees nostros-. Nende gai su camaleonte acúrtziat a furinu sos pees a unu muntoneddu de rena alva e mustrat sas piantas: sunt alvas!
-Como tocat a tie! -narant sos massajos a sa moninca.
Cussa mustrat sas piantas suas: sunt nieddas che pighe!
-Ah! Tando ses istada tue, maleita!- senténtziant sos massajos. E li dant una cadda a fuste, lassàndela totu pista e topa puru.
Ma, pitzinnos, vendichendesi goi, su camaleonte, podiat fàghere dannu mannu a totu su campu e a sa zente puru! Ite nde pessades bois?