(Lillia e Mimiu s'abbojant in sa piata)
Lillia - O Mimi', a l'ischis de su capitadu de Tzitzerona a nonna mia?
Mimiu - Cale capitada?
Lillia - L'at nadu de si contare sos piogos! E a l'ischis ite l'at nadu Pirrone a nonnu?
Mimiu - E ite?
Lillia - L'at nadu de andare innoromala!
Mimiu - Iterrore! Cussos duos sunt macos., e malinnos puru!
Lillia - La devent pagare. ambos duos!
Mimiu - Mussi, m'at a chircare unu sórighe pro cussa tzia.!
(essint ambos a chircare a Mussi)
(Tzitzerona in domo sua, bene posta, cantende indainnantis de s'ispiju)
Tzitzerona - Como chi so bene chinta mi nch'esso. (cantat cuntenta)
(dae fora Mimiu, chin unu filu de ferru, li ponet unu sórighe suta su nare)
Tzitzerona - Oddeu! It'est custa cosa? Chichina! Ajutorju!
Chichina - (intrat) E. e. e it'est, sa me'?
Tzitzerona - Unu sórighe mi fit mossighende su nare!
Chichina - (l'abbaidat su nare) Ma, in bijone bos l'azis bidu?
Tzitzerona - Nono! Est fuidu! Chírcalu! Lea s'iscoba. ochilu! - Ochilu!
(Mimiu li ponet torra su sórighe suta su nare)
Tzitzerona - Ajutorju! (ruet a terra dirmajada)
Chichina - Dirmajada! Oddeu dirmajada! Ah! Cussas allughinaduras! Giŕ lu creo. abbardente a manzanu. abbardente a sero!
(Chichina trazat a fora sa mere)
Mimiu, Lillia, Mussi - (intrant e si la rient) Aha. aha.aha.