(semus acurtzu a sa domo de tzia Tzitzerona)
Lillia - A l'ischis, Mimi'? B'at zente noa in su bighinadu.
Mimiu - Pitzinnos a giogare chin nois?
Lillia - Nono! Una est tzia Tzitzerona, una fémina maca e velenosa.
Mimiu - Cumpanzia allegra pro nonna tua!
Lillia - Mamea! E s'àteru est Tziu Pirrone, un'ómine betiosu, sempre a minetas.
Mimiu - Àtera cumpanzia bona pro nonnu tou!
Lillia - Non lu creo abberu! Ma. a b'andamus a los connòschere?
Mimiu - Eja! Andamus a pedire su mortu mortu, su pedi cocone, su pane e binu.
(mutint a Tzia Tzitzerona chin sos pischeddos in manu)
Lillia - Tzia Tzitzerona! A si podet?
Tzitzerona - (s'aciorat) Chie est?
Mimiu - Salude! Semus bénnidos pro su pedi cocone.
Tzitzerona - Su cocone bos lu do in conca! Pristos a fora! Mala jana bos si gitat!
(lis curret ifatu e cussos fuint)
Lillia - Oddeu!
Mimiu - Est un'istria abberu!
(Mimiu e Lillia torrant currende isalenados)
Mimiu - Proamus chin Tziu Pirrone.
Lillia - Mamea! Eo non bi benzo!
Mimiu - Eh! No at a èssere isse puru che a cussa tzia!
(tocheddant a sa gianna de Tziu Pirrone)
Mimiu - Salude, Tziu Pirro', a nos lu dades su pane e binu?
Pirrone - (s'aciorat) Su binu meu cherides? Su diàulu chi bos at cotu! iricu! Piricu! Pòneli su cane ifatu!
(s' intendet su cane apeddende; sos duos pitzinnos si che fuint)
Lillia - Iterrore!
Mimiu - Dae, curre, curre Lilli'! (essint currende)