(s'iscena est in sa cughina de tzia Tzitzerona)
Chichina - Ufula! Como benit sa mere e cumintzat a mi cumandare:
"Chichina faghe sa pasta;
Chichina bae a sa posta;
Chichina àrtza, Chichina fala;
Chichina goi, Chichina gai!"
Non nde poto piùs! Como mi beto a tonta!
Tzitzerona - (intrat) Chichina, bae e coghe su pane!
Chichina - Unu piricoco a su cane?!
Tzitzerona - T'apo nadu chi su pane cheret fatu!
Chichina - Fàghere a brou sa gatu?!
Tzitzerona - T'apo nadu de pònnere su pane in su furru!
Chichina - Chin sa padedda a bos pistare su murru?!
Tzitzerona - Chin custa padedda lu pisto a tie abberu su murru!
Su pane, apo nadu, bae deretu a lu còghere!
Chichina - Non mi devo mòvere?!
Tzitzerona - Ma ite t'at leadu oje? Ses tonta? Ses maca?
Chichina - Tonta e maca a mie?
Tzitzerona - Ah! Tando già mi cumprendes. ses solu mandrona!
Gia ti la fato passare eo sa mandronia. Teh! Piga custa. e custa. e custa!
(li dat una surra chin sa pala de còghere)
Chichina - Ahi. ohi. ohi.già so andende. curro deretu a còghere su pane!
So currende. so currende. (essit currende)