(un'àteru trenu intrat in s'istatzione)
Chica - (a su papagallu) Tue un astore pintadu ses o unu papagallu?
Papagallu - Papagallu.. papagallu..
Mussi - Papagallu! Papapuddu cheret nàrrere! E it'est, sos puddighinos ti piaghent a papare?
Papagallu - Papare . papare .
Mussi - Oh! Mi paret chi tue ses famidu.
Papagallu - Famidu. famidu.
Chica - Ite ti naras: Cucurú o Babagha
Papagallu - Babagha. Babagha.
Chica - (a s'iscusa) Arabu est! Piaghere de ti connòschere, piaghere!
Papagallu - Piaghere. piaghere..
Mussi - (a s'iscusa) Bene educadu est custu puzone!
Chica - Chin una cumpanza ses o solu?
Papagallu - Solu.solu.
Chica - Mischineddu! Tando beni chin nois.
Papagallu - Chin nois. chin nois.
Mussi - Oh, su sardu non l'ischis faeddare bene, chin bois deves nàrrere, chin bois!
Papagallu - Chin bois. chin bois.
(su trenu si movet; est s'úrtimu)