Su cucu - Una dí unu crobu bit passendi unu paboni, cun sa coa de centu coloris.
Crobu - Cra cra cra! Po ita a tui is pinnas bellas e coloradas e a mimi no?
Paboni - Ma... deu seu nāsciu aici!
Crobu - Cra... no est giustu! A mei no mi praxit a essi nieddu...
Su cucu - Su crobu bit in s'erba pinnas arrutas de is pabonis... e ita fait?
Crobu - Cra... cra! Custas pinnas de paboni... aha! Imoi mi ddas bestu... e aici apu a essi ermosu deu puru! Cra... cra!
Unu crobu béciu - Macu ses? Tui ses unu crobu, no podis essi unu paboni!
Crobu - Cun bosāterus, aici lčgius e ordinārius, no nci bollu abarrai prus... adiosu!
Su cucu - Aici cussu crobu, cun is pinnas de is pabonis in sa coa, lassat sa genti sua po andai a bivi cun genti prus aristocrātica.
Crobu - Cra... cra! Pabonis, cumpāngius bellus, seu bénniu a bivi cun bosāterus!
Paboni - Tui ses unu crobu... e ladroni puru! Custas pinnas no funt is tuas! Baitindi! (ndi ddi strāciant is pinnas a bicadas)
Su cucu - Insandus su crobu, totu spiliu e a conca bāscia, si ndi torrat aund'e is crobus.
Crobu - Cra... cra! Cumpāngius crobus, seu bénniu a bivi torra cun bosāterus...
Unu crobu betzu - Cra... cra... cra! Prima s'as spretziau... e imoi, chi is pabonis no t'ant bófiu, circas a nosu?
Āteru crobu - Imoi no ti boleus prus! Cra... cra!
Su cucu - Cussu crobu no dd'at bófiu prus nemus; est abarrau solu che cani. Aici finit chini no si cuntentat de coment'est e si bolit fai prus bellu e prus mannu cun is cosas de is āterus!