Su cucu - Sa cixigraxa iat cantau totu s'istadi, mentris is frumigas iant passau su tempus traghendi granus de trigu a sa tana, pensendi a s'ierru.
Frumiga - Tragai su trigu, cumpāngias... tragai...
Cixigraxa - Tziri-tziri... ma castiatiddas cussas macas! Sempri traghendi cosa!
Frumiga - Tragai a sa tana... a sa tana...
Cixigraxa - Cussas frumigas no scint nemancu cantai! Tziri-tziri... tziri-tziri...
Su cucu - Is frumigas sighint a tragai trigu e fenu a sa tana.
Frumiga - A trabballai chi siat! Fortza!
Cixigraxa - E deu mi dda cantu... tziri-tziri...tziri-tziri...
Frumiga - Sighei a tragai... pensai a s'ierru!
Cixigraxa - Cussas mancu si dda gosant sa vida! Tziri-tziri...tziri-tziri...
Su cucu - Ma lompit s'ierru e sa cixigraxa no at arregortu nudda in s'istadi, imoi est famia e andat aund'e sa frumiga a limusinai.
Cixigraxa - Tzia frumiga, mi ddus donais pagus granus de trigu, ca seu famia?
Frumiga - E tui, ita as fatu in s'istadi?
Cixigraxa - Deu apu cantau noti e dí, ca portu una bella boxi!
Frumiga - E sighi a cantai insandus!
Su cucu - Sa cixigraxa, mesu morta de fāmini, promitit de torrai su papai cun s'interessu, ma sa frumiga...
Cixigraxa - Donaimidda calincuna cosa, a su mancus un'arrogu de fenu...
Frumiga - Chi tui ti ses spassiada cantendi, imoi ballatidda s'anchixedda!
Cixigraxa - E faeidda sa caridadi! Gei si dd'apu a torrai cun s'interessu...
Frumiga - E candu? Peus po tui chi no tenis nudda. Baitindi!
Su cucu - Aici sa cixigraxa est morta deaderus de fāmini. E deu nau a is mandronis chi est mellus a trabballai chi no bolint acabbai comenti sa cixigraxa.