Su cucu - Una dí una rana, castiendi unu boi e biendi cantu fiat mannu, s'est fata gelosa: issa puru boliat essi comenti a issu.
Rana - Gra, gra... gra, gra... gra, gra... tziu boi, po ita bosu seis aici mannu e deu pitichedda? Bollu essi che a bosu!
Boi - Muu... e ita bolis fai? Deu seu fatu aici e tui ses fata de ātera manera...
Rana - E deu bollu essi manna che a bosu!
Su cucu - Sa rana, barrosa, s'est posta a sulai e a si preni de āria...
Rana - Deu nci provu: grauff... grauff... grauff... e imoi seu comenti a bosu?
Boi - Muu...! Nossi, bellixedda mia, no nci as a arrenčsci mai!
Ātera rana - Gra... gra... gra... Ita ti ses posta in conca?
Su cucu - Sa rana, arrennegada, at sighiu a sulai āria aintru e a s'unfrai.
Rana - Grauff... grauff... grauff... E imoi seu manna che a bosu?
Boi - Nossi! Tui pitichedda ses e pitichedda abarras, mancai ti unfris che una bōcia!
Ātera rana - Gra... gra... gra... Sa maca!
Su cucu - Sa rana no ddu podit baliai chi su boi siat meda prus mannu de issa. Ma... bufa bufa, it'est sutzédiu?
Rana - Imoi si ddu fatzu biri: grauff... grauff... grauff... (Pah! Si crepat)
Boi - Aha aha aha aha! Sa rana crepada! Eh, dd'emu nau deu! Muu!
Ātera rana - Ohi... ohi... ohi!
Su cucu - De sa rana, crepada, imoi si bint is cambixeddas a una parti e sa brenti in centu arrogheddus. Aici incāpitat a cussus chi no si cuntentant de comenti funt e si bolint fai prus mannus.