Su cucu - Unu crobu est apuddau apitzus de una mata e portat in su bicu un'arrogu de petza furada. Lompit unu margiani e, malintragnau, ita ordíngiat?
Margiani - Ita pilloni mannu chi seis, Tziu Crobu!
Crobu - Cra... cra... cra... cra... (arrasigat su gúturu).
Margiani - Chi teneis fintzas una bella boxi, podeis essi su rei de totu is pillonis!
Crobu - Ita seu intendendi! Cra... cra... (cun su bicu siddiu)
Su cucu - A su crobu dd'iat a praxi a essi su rei de totu is pillonis... ma... comenti podit fai intendi sa boxi, cun sa petza in su bicu?
Margiani - E seis ermosu puru!
Crobu - Ermosu seu ermosu deaderus! (cun su bicu siddiu)
Margiani - Ita lāstima chi seis sentza de boxi!
Crobu - Custu margiani no dda connoscit sa boxi mia! Cra... cra! (cun su bicu siddiu)
Su cucu - Su crobu no nci dda fait prus a s'abarrai citiu: totus dda depint intendi sa boxi sua forti...
Margiani - E passiéntzia! Su rei de is pillonis at a essi s'astori...
Crobu - Ma deu gei dda portu sa boxi... e bella puru! (oberit su bicu). Cra... cra... cra... (e aici nci dd'arruit sa petza)
Margiani - Ah! Cracagliau eis! (cun d-unu brínchidu aciapat sa petza a bolidu)
Su cucu - Su margiani, chi at aciapau sa petza, si nd'ariit cuntentu e su crobu - cumprendit chi cuddu dd'at cugliunau...
Margiani - Tziu Crobu, sa boxi gei dda teneis, ma su ciorbeddu est tropu piticheddu po unu rei!
Crobu - Cogliunadori chi non ses āteru! Macu deu a t'ascurtai! Cra cra cra!
Su cucu - De insandus su crobu at imparau a essi prus scidu, prus sābiu. Sa matessi cosa podit sutzedi a is personis chi ascurtant is bāntidus de sa genti frassa.