(Mimiu e Lillia s'atopant in sa pratza)
Lillia - Ellus Mimi'! Ita ses faendi tui, bestiu de pirata?
Mimiu - Mi còmporu unu naviu mannu a velas e mi pongu a fai su cursaru.
Lillia - Macu ses? Mí chi non seus in Carnovali!
Mimiu - Ma deu bolemu viagiai e connosci is terras aingíriu de su mari nostu!
Lillia - Lassaus is brullas! Ddu faeus unu viàgiu in su Mediterràneu cun is cumpàngius nous?
Mimiu - Eja! Totus impari!
Lillia - Prima podeus andai in Córsica, aici faeus cuntentu a Matteu.
Mimiu - Insandus a is Balearis, aici acuntentaus a Columba.
Lillia - E apustis a sa Tunisia, po Aziza, e a su Marocu, po Nabil.
Mimiu - E a su Sènegal puru, po Saidù.
Lillia - Cun totu custus cumpàngius seus in otu!
Mimiu - Ajo'! Andaus a circai is barcas. (essint)
(Mussi e Chica, chi fiant ascurtendi acuaus, intrant)
Mussi - In otu?
Chica - Mimiu unu, Lillia duus, Luchia tres, Columba cuatru,
Matteu cincu, Aziza ses, Nabil seti, Saidù otu.
Mussi - E nosu?
Chica - Eh! E nosu?