(seus in domu de tziu Pirrone)
Mussi - (a sa scusi) O Chica, ajó, chi proaus a bendi su papapuddu a Tziu Pirrone.
Chica - (a sa scusi) Ah! Su papagallu!
Chica - Nci seis?
Piricu - Su meri est dormiu. Ita boleis?
Mussi - Dd'iat a bolli comporai tziu Pirrone custu pilloni?
Piricu - Ita bellu pilloni! Ma. Tziu Pirrone est aici asuriu chi dinai no ndi bogat de buciaca.
Papagallu - Buciaca . buciaca.
Piricu - E chistionat puru! Ma podeus arrangiai sa cosa in calincuna manera.
Ascurta, Mussi! (ddi fueddat a s'origa) Pisi pisi pisi.
Mussi - Eja, eja! Seus de acórdiu! Su pilloni est cosa tua!
Chica - E dinai?
Papagallu - Dinai.dinai.
Mussi - S'acórdiu est un'ąteru: su pilloni at a essi de Piricu, chi ddu donghit a su meri po si spassiai, aici Piricu si podit discantzai unu pagu.
Chica - E nosu?
Mussi - In cąmbiu Piricu si lassat intrai a magasinu, e nosu podeus papai cantu boleus.
Chica - Deaderus!
Mussi - Aici deu potzu papai cussu pisci bonu postu in sa mśrgia.
Chica - E deu granus de trigu.
Mussi - E prosciutu.
Chica - E fasolu pitzudu.
Mussi - E sartitzu.