(Mimiu e Lillia s'atopant torra in sa pratza)
Mimiu - E imoi pensaus a sa paga de ddi donai a Pirrone.
Lillia - Ascurta: candu Tziu Pirrone est dormiu e Piricu no nc'est,
intraus a sa scusi e ddi poneus un'ampudda de binu in domu.
Mimiu - Un'ampudda de binu?!
Lillia - Binu cun sali...
Mimiu - Eja! Ita spŕssiu!
Lillia - Andaus, Mimi'! (essint e andant a ponni s'ampudda)
(seus in domu de tziu Pirrone)
Pirrone - Ah! Una bella acirrada nci bolit deaderus! (bufat a bruncu)
Puh! (spudat) Piricu! Piricu!
Piricu - (intrat) Ita nc'est, su me'?
Pirrone - Su binu. ohi! Ita sabori légiu! (cumintzat a tussiai.) Tastaddu tui!
Piricu - (bufat unu tzicheddu e spudat) Ma custu est verenu! Ddu tzérriu su dotori?
Pirrone - Nossi, cussu si bolit pagau! (sighit a tussiai)
Piricu - E insandus?
Pirrone - Agiudamí tui! (sempri tussiendi)
(Piricu agiudat a Pirrone donendiddi corpus a is palas fintzas fortis, antzis nd'aprofitat po dd'atripai)
Pirrone - (sempri tussiendi) Ohi! Abbellu, Piri'! Abbellu!
(essint cun Piricu chi sighit a donai corpus a Pirrone)