(Lillia e Mimiu s'atopant in sa pratza)
Lillia - O Mimi', ddu scis de s'acasàgiu de Tzitzerona a ajaja mea?
Mimiu - Cali acasàgiu?
Lillia - Dd'at nau de si contai is priogus! E ddu scis ita dd'at nau
Pirrone a ajaju?
Mimiu - E ita?
Lillia - Dd'at nau de andai in oramala!
Mimiu - Itarrori! Cussus duus funt macus. e malintragnaus puru!
Lillia - Dda depint pagai. totu e is duus!
Mimiu - Mussi, circamí unu sórixi po cussa tzia!
(essint totu e is duus a circai a Mussi)
(Tzitzerona in domu sua, beni posta, cantendi ananti de su sprigu)
Tzitzerona - Imoi chi seu beni cuncordada mi nci essu. (cantat cuntenta)
(de foras Mimiu, cun d-unu filu 'e ferru, ddi ponit unu sórixi asuta de su nasu)
Tzitzerona - Oddeu! It'est custa cosa? Chichina! Agitóriu!
Chichina - (intrat)E. e. e it'est, sa me'?
Tzitzerona - Unu sórixi mi fiat mussiendi su nasu!
Chichina - (ddi càstiat su nasu) Ma, in visioni si dd'eis biu?
Tzitzerona - Nossi! S'est fuiu! Circaddu! Piga sa scova. bociddu! Bociddu!
(Mimiu ddi ponit torra su sórixi asuta de su nasu)
Tzitzerona - Agitóriu! (arruit a terra dismajada)
Chichina - Dismajada! Oddeu dismajada! Ah! Cussas alluinaduras!
Gei ddu creu. acuardenti a mengianu. acuardenti a merí!
(Chichina tragat a foras sa meri)
Mimiu, Lillia, Mussi - (intrant e si nd'ariint) Aha. aha.aha.