(seus in sa pratza de sa bidda)
Tziu Predu - Saludi!
Pirrone - Ah! Bosu seis su bixinu miu?
Tziu Predu - Sissi, seu Predu Mulas. E bosu, Tziu Pirrone seis, berus?
Prexeri de si connosci!
Pirrone - Prexeri unu corru!
Tziu Predu - E po ita?
Pirrone - E no si artzit a conca de benni a domu mia a bufai binu a scrocu!
Tziu Predu - Ma.ita seis nendi?
Pirrone - E chi creeis chi su magasinu miu est logu de pichetadas si sbagliais!
Tziu Predu - (a sa scusi) Ma. de aundi est bénniu custu?
Pirrone - Baxei inoramala! (essit)
Tziu Predu - Cosa 'e macus!
(lompit tzia Manzela)
Tzia Manzela - O Pre', po ita ses arrennegau?
Tziu Predu - Eh! Apu atopau su bixinu nou.
Tzia Manzela - Cumbidau dd'as?
Tziu Predu - Ma cali cumbidu! In oramala m'at mandau!
Tzia Manzela - Ma. cussu est macu, macu malintragnau!
Tziu Predu - Custus bixinus funt unu malu e s'ŕteru peus!
Tzia Manzela - Spereus chi si ndi andint!