(seus in sa domu de tzia Manzela)
Tzia Manzela - O Pré, deu andu aund'e Tzia Tzitzerona, sa bixina noa, a ddi nai "beni benia".
Tziu Predu - Bai, bai, Manze'!
(Tzia Manzela, cun sa sarfata de pistocus in is manus, tocat a sa genna de tzia Zitzerona)
Tzia Manzela - Nci seis?
Tzitzerona - (incarendisí) Chini est?
Tzia Manzela - Seu sa bixina bosta, Manzela Mulas.
Tzitzerona - E chini s'at tzerriau?
Tzia Manzela - Custa est s'usŕntzia in logu nostu. Beni benia in custu bixinau!
E is pistocus funt pro bosu.
Tzitzerona - (fúliat is pistocus a terra) No seu in circa de is pistocus bostus!
Tzia Manzela - Ma.
Tzitzerona - Chi seis sfainada, contaisí is priogus!
Tzia Manzela - Ma.
Tzitzerona - Baxeisindi! E no nci torreis prus a mi segai is ancas!
(ddi serrat sa genna in is murrus)
Tzia Manzela - Agitóriu!
(lompit Tziu Predu)
Tzia Manzela - O Pre', ajó a domu a mi donai unu tzicheddu de rosóliu. mi seu dismajendi.
Tziu Predu - E it'est, Manze'?
Tzia Manzela - Cussa fémina est maca!
Tziu Predu - E po ita?
Tzia Manzela - Is pistocus mi nci at fuliau!
Tziu Predu - Itarrori! Bella bixina s'est incapitada!
Tzia Manzela - Priogosa puru m'at nau!
Tziu Predu - Impipatindi, Manze'! Tui ses una segnora!