(seus acanta a sa domu de tzia Tzitzerona)
Lillia - Ddu scis, Mimi'? Nc'est genti noa in su bixinau.
Mimiu - Pipius po giogai cun nosu?
Lillia - Nossi! Una est tzia Tzitzerona, una fémina maca e verenosa.
Mimiu - Cumpangia allirga po ajaja tua!
Lillia - Mamamia! E s'ŕteru est Tziu Pirrone, un'ómini tzacosu, sempri a minetas.
Mimiu - Ŕtera cumpangia bona po ajaju tuu!
Lillia - No ddu creu deaderus! Ma. nci andaus a ddus connosci?
Mimiu - Eja! Andaus a pediri su mortu mortu, su pedi cocone, su pane e binu.
(tzérriant a Tzia Tzitzerona cun is scarteddus in is manus)
Lillia - Tzia Tzitzerona! Si podit?
Tzitzerona - (s'incarat) Chini est?
Mimiu - Saludi! Seus bénnius po su pedi cocone.
Tzitzerona - Su cocone si ddu dongu in conca! Lestrus a foras! Mala giana si portit!
(ddis currit avatu e cuddus si fuint)
Lillia - Oddeu!
Mimiu - Est una stria deaderus!
(Mimiu e Lillia intrant torra assuentaus)
Mimiu - Provaus cun Tziu Pirrone.
Lillia - Mamamia! Deu no nci bengu!
Mimiu - Eh! No at a essi issu puru coment'est cussa tzia!
(tocant a sa genna de Tziu Pirrone)
Mimiu - Saludi, Tziu Pirro', si ddus donat su pane e binu?
Pirrone (s'incarat) Su binu miu boleis? Su tiŕulu chi s'at fatu!
Piricu! Piricu! Mandaceddis su cani avatu!
(s' intendit su cani baulendi; is duus pipius si nci fuint)
Lillia- Itarrori!
Mimiu - Dai, curri, curri Lilli'! (essint currendi)