(seus in sa domu de tziu Pirrone)
Piricu - Ufa! Imoi su meri si ndi iscidat e m'at a cumandai centu cosas:
"Piricu fai custu, Piricu fai cussu,
Piricu bai a dereta e Piricu bai a manca".
Ndi seu própriu arrósciu. Imoi mi fatzu a surdu.
Pirrone - (intrat cun su bàculu) Piricu, betimí una tassa de binu!
Piricu - Innàssia e Gabinu?! E chini funt?
Pirrone - Ma cali Innàssia e cali Gabinu! T'apu nau chi bollu bufai!
Piricu - Boleis giogai?! A cartas?
Pirrone - T'apu nau: betimí una tassa de binu, deretu!
Piricu - Unu sórixi asuta 'e su letu?!
Pirrone - Ma oi tontu ses? Ses surdu?
Piricu - Tontu e surdu a mimi?!
Pirrone - Ah! Duncas no ses surdu ma macu malintragnau!
Imoi ti dda dongu deu sa meixina: nè, pigatí custu. e custu. e custu.
(dd'atripat cun su bàculu)
Piricu - Ahi! Ohi! Bastat! Gei no seu surdu. andu luegus. gei si portu su binu!
Seu andendi. seu andendi. (essit currendi)