(sa iscena est in sa cuxina de tzia Tzitzerona)
Chichina - Ufa! Imoi benit sa meri e incumentzat a mi cumandai:
"Chichina fai sa pasta;
Chichina bai a sa posta;
Chichina ārtzia, Chichina cala;
Chichina aici, Chichina de s'ātera manera!"
No ndi potzu prus! Imoi mi ghetu a tonta!
Tzitzerona - (intrat) Chichina, bai a coi su pani!
Chichina - Unu piricocu a su cani?!
Tzitzerona - T'apu nau chi su pani bolit fatu!
Chichina - Fai a brodu sa gatu?!
Tzitzerona - T'apu nau de ponni su pani in su forru!
Chichina - Cun sa pingiada a si pistai su murru?!
Tzitzerona - Cun custa pingiada ddu pistu a tui deaderus su murru!
Su pani, apu nau, bai luegus a ddu coi!
Chichina - No mi depu movi de innoi?!
Tzitzerona - Ma ita t'est pigau oi? Ses tonta? Ses maca?
Chichina - Tonta e maca a mimi?
Tzitzerona - Ah! Insandus gei mi cumprendis. ses sceti mandrona!
Gei ti dda fatzu passai deu sa mandronia.
Nč! Piga custa. e custa. e custa!
(ddi donat una surra cun sa pala de coi)
Chichina - Ahi. ohi. ohi. gei seu andendi. cúrgiu luegus a coi su pani! Seu currendi. seu currendi. (essit currendi)