(un'āteru trenu intrat in sa statzioni)
Chica - (a su papagallu) Tui un astori pintau ses o unu papagallu?
Papagallu - Papagallu.. papagallu..
Mussi - Papagallu! Papacaboni bolit nai! E it'est, is pilloneddus ti praxit a papai?
Papagallu - Papai . papai .
Mussi - Oh! Mi parit chi tui ses famiu.
Papagallu - Famiu. famiu.
Chica - Ita ti nant: Cuccurú o Babagha
Papagallu - Babagha. Babagha.
Chica - (a sa scusi): Ārabu est!
Prexeri de ti connosci, prexeri!
Papagallu - Prexeri. prexeri..
Mussi - (a sa scusi): Beni educau est custu pilloni!
Chica - Cun d-una cumpāngia ses o solu?
Papagallu - Solu.solu.
Chica - Mischineddu! Insandus beni cun nosu.
Papagallu - Cun nosu. cun nosu.
Mussi - Oh, su sardu no ddu scis fueddai beni, cun bosāterus depis nai, cun bosāterus!
Papagallu - Cun bosāterus. cun bosāterus.
(su trenu si movit; est s'úrtimu)